Աֆղանստանում առնվազն 11 մարդ է զոհվել պայթյունի հետևանքով
Աֆղանստանի արեւելքի Նանգարհարի նահանգում առնվազան 11 մարդ է զոհվել, եւս չորսը վիրավորվել պայթյունի հետեւանքով: Հուլիսի 10-ին այս մասին հաղորդել է 1TV հեռուստաալիքը:
Հեռուստաալիքի տվյալներով՝ Ջելալաբադ քաղաքում մահապարտ ահաբեկիչն իրեն պայթեցրել է ոստիկանական հսկիչ անցակետերից մեկի մոտ: Զոհվածների մեջ կարող են լինել անվտանգության ուժերի աշխատակիցներ եւ քաղաքացիական անձինք:
Tolo News հեռուստաալիքի տեղեկատվությամբ՝ զոհերի թվում ութը խաղաղ բնակիչներ են: Աֆղանստանի տարածքում գործող ահաբեկչական խմբավորումներից ոչ մեկն առայժմ չի ստանձնել կատարվածի պատասխանատվությունը, հաղորդել է ՏԱՍՍ-ը:
