Բրիտանիայի ՆԳ նախարարը կանցկացնի արտակարգ կոմիտեի նիստ՝ Էյմսբերիում տեղի ունեցած մահվան պատճառով
Մեծ Բրիտանիայի ներքին գործերի նախարար Սաջիդ Ջավիդը կանցկացնի կառավարական արտակարգ կոմիտեի նիստ Էյմսբերիում նյարդա-կաթվածահարական նյութից թունավորված կնոջ մահվան պատճառով: Այս մասին հաղորդել է Reuters գործակալությունը՝ վկայակոչելով Միացյալ Թագավորության վարչապետ Թերեզա Մեյի ներկայացուցչին:
Գործակալության տվյալներով՝ նախարարը դրանից հետո այդ թեմայով հայտարարություն կանի խորհրդարանում: Համայնքների պալատում, որտեղ ՏԱՍՍ-ը դիմել է մեկնաբանությունների համար, այս պահին չեն կարողացել հավաստել նախարարի ելույթի փաստը կամ ճշտել այն ժամանակը, թե երբ դրան սպասել:
