Պատահարից 2 օր անց վրաերթի ենթարկված կինը հիվանդանոցում մահացել է
Ինչպես տեղեկացրել էինք՝ հուլիսի 5-ին, ժամը 23.00-ին, «Կիա» մակնիշի ավտոմեքենան Երևանի Թբիլիսյան խճուղու թիվ 102 տան մոտ վրաերթի է ենթարկել 45-ամյա մի կնոջ, ապա բախվել է կայանված «Նիսսան» մակնիշի ավտոմեքենային:
«Նիսսան»-ի ուղևորուհին և վրաերթի ենթարկված կինը մարմնական վնասվածքներով տեղափոխվել են հիվանդանոց, իսկ «Կիա»-ի վարորդը բուժօգնություն է ստացել «շտապօգնության» խմբի կողմից:
Վրաերթի ենթարկված կինը՝ 1973 թ. ծնված Էմմա Անանյանը, հուլիսի 7-ին՝ ժամը 06.45-ին, «Սուրբ Գրիգոր Լուսավորիչ» բժշկական կենտրոնի վերակենդանացման բաժանմունքում գիտակցության չգալով՝ մահացել է:
Կատարվում է նախաքննություն:
ՀՀ ոստիկանություն
