Ռուսաստանի դեմ ԵՄ-ի պատժամիջոցների երկարաձգման որոշումը մտավ ուժի մեջ
Եվրամիության որոշումը Ռուսաստանի դեմ տնտեսական պատժամիջոցները վեց ամսով երկարաձգելու մասին հուլիսի 9-ին մտավ ուժի մեջ: Այս մասին ասված է Եվրամիության պաշտոնական հանդեսում, որտեղ էլ հրապարակվել է սույն որոշումը։
«2018 թվականի հուլիսի 5-ին (ԵՄ-ի) Խորհուրդը մինչեւ 2019 թվականի հունվարի 31-ը երկարաձգեց տնտեսական պատժամիջոցները, որոնք ուղղված են Ռուսաստանի տնտեսության հատուկ հատվածների դեմ: Որոշումն ուժի մեջ է մտնում հուլիսի 9-ին հրապարակման պահից»,- ասված է փաստաթղթում:
Այնտեղ պարզաբանվում է, որ որոշումը հետեւել էԵվրամիության գագաթնաժողովից հետո, որտեղ «Ֆրանսիայի եւ Գերմանիայի ղեկավարները պետությունների եւ կառավարությունների մյուս ղեկավարներին իրազեկել են Մինսկի համաձայնությունների իրագործման ընթացքի մասին»:
Մեծ Բրիտանիան «Սկրիպալի գործից» հետո առաջարկել է անցնել Ռուսաստանի դեմ պատժամիջոցների մեկ տարով երկարաձգման մեխանիզմին կես տարվա փոխարեն, սակայն այդ առաջարկությունը ոչ մի հավանություն չի գտել ԵՄ-ի խորհրդում, հաղորդել է ՏԱՍՍ-ը:
