Աբեն կարող է հետաձգել ուղևորությունը Եվրոպա և Աֆրիկա երկրում տեղատարփների հետ կապված իրադրության պատճառով. NHK
Ճապոնիայի վարչապետ Սինձո Աբեն կարող Է հետաձգել ուղեւորությունը Եվրոպայի եւ Աֆրիկայի երկրներ, որը պլանավորված Է այս շաբաթ, երկրում տեղատարափ անձրեւների հետ կապված բարդ իրադրության պատճառով, որի զոհ է դարձել արդեն ավելի քան 100 մարդ: Այս մասին հաղորդել է NHK հանրային հեռուստատեսությունը:
Հեռուստատեսության տեղեկություններով՝ ներկայումս վարչապետը քննարկում է Բելգիա, Ֆրանսիա, Սաուդյան Արաբիա եւ Եգիպտոս պլանավորված ուղեւորությունները հետաձգելու հնարավորությունը:
Սկզբնապես Ճապոնիայի կառավարության ղեկավարի արտասահմանյան շրջագայությունը նշանակված էր հուլիսի 11 – 18-ը: Վերջին տվյալներով՝ Ճապոնիայի արեւմուտքում տեղատարափ անձրեւների եւ սողանքների զոհ է դարձել առնվազն 105 մարդ, եւս շուրջ 80-ը համարվում է անհայտ կորած: Հուլիսի 9-ի լուսաբացից ճապոնացի փրկարարներն Ինքնապաշտպանության ուժերի օգնությամբ շարունակել են որոնողական եւ փրկարարարական գործողությունները, հաղորդել է ՏԱՍՍ-ը:
