Նեյմա՞ր, թե Ազար կամ Բելգիա-Բրազիլիա խաղից առաջ
Ֆուտբոլի աշխարհի 21-րդ առաջնությունում այսօր կկայանա քառորդ եզրափակիչի ամենամեծ հետաքրքրությունն առաջացրած Բելգիա-Բրազիլիա խաղը:
Բրազիլիայի ազգային թիմը 1994 թվականի աշխարհի առաջնությունից ի վեր միշտ հասել է մինչև քառորդ եզրափակիչ: «Սելեսաոն» և Բելգիայի ազգային թիմը մինչ այս հանդիպել են 4 անգամ` 1 պաշտոնական, 3 ընկերական խաղերի շրջանակներում: Երկու թիմերի առաջին հանդիպումը կայացել է 55 տարի առաջ, ավելի շատ հաղթել են աշխարհի 5-ակի չեմպիոնները:
Բելգիան ընթացիկ աշխարհի առաջնությունում ամենաարդյունավետ թիմն է, 4 հանդիպմաններում բելգիացիները խփել են 12 գնդակ, որոնցից 11-ը խփվել է խաղի ընթացքում, իսկ մեկը` 11-մետրանոց հարվածով:
Երկու թիմերի մի շարք ֆուտբոլիստներ անցած մրցաշրջանում հանդես են եկել նույն ակումբում, նրանցից են Կոուտինյոն, Պաուլինյոն, Վերմալեն և այլք:
Հանդիպումը կկայանա Կազանի քաղաքի 45 379 ֆուտբոլասեր տեղավորող մարզադաշտում և կմեկնարկի Երևանի ժամանակով 22:00-ին:
Մունդիալի մասին այլ նյութեր՝ այստեղ:
