«Յուվենթուսը» պլանավորում է ներկայացնել Կրիշտիանու Ռոնալդուին հուլիսի 7-ին
Սուպերտրանսֆերը գրեթե անխուսափելի է: «Ռեալի» հարձակվող Կրիշտիանու Ռոնալդուն այս շաբաթ կդառնա «Յուվենթուսի» ֆուտբոլիստ:
«Յուվենթուսն» ուզում է ներկայացնել պորտուգալացուն արդեն այս շաբաթ օրը՝ հուլիսի 7-ին: Ինչպես հաղորդում է Sport Mediaset-ը, թուրինցիների գլխավոր և մարզական տնօրեններ Ջուզեպե Մարոտան և Ֆաբիո Պարատիցին արդեն ուղևորվել են Մադրիդ, որպեսզի ավարտին հասցնեն տրանսֆերը:
Sky Sports-ի լրագրող Գիլիեմ Բալագեն հաղորդել է, որ «Յուվենթուսը» միջոցներ է գտել տրանսֆերի և Կրիշտիանուի աշխատավարձի համար, իսկ «Ռեալը» դեմ չէ վաճառել ֆուտբոլիստին:
Ռոնալդուն հանդես է գալիս «Ռեալում» 2009 թվականից, որի ընթացքում անցկացրել է 438 խաղ և դարձել է 450 գոլի հեղինակ:
Պատրաստեց Անի Գաբուզյանը
