Ռաֆա Մարկեսը և Օրիբե Պերալտան ավարտեցին կարիերան
Մեքսիկայի ազգային հավաքականի ավագ Ռաֆայել Մարկեսը հայտարարել է ֆուտբոլիստի կարիերան ավարտելու մասին:
39-ամյա ֆուտբոլիստը նշել է, որ ավարտում է կարիերան և՛ հավաքականում, և՛ ակումբում:
«Կարծում եմ, որ կվայելեմ ազատ ժամանակս: Անդադար ֆուտբոլի 22 տարի: Հիմա ես ավարտում եմ կարիերաս: Իհարկե իմ ապագան կապված կլինի ֆուտբոլի հետ»,- նշել է Մարկեսը:
Մեքսիկայի հավաքականում կարիերան ավարտելու մասին է հայտարարել նաև «Ամերիկայի» հարձակվող Օրիբե Պերալտան:
«Ես ուզում եմ շնորհակալություն հայտնել թիմին, որի անդամն եմ երկար ժամանակ: Մենք հիասթափություններ ունեցանք, բայց ավելի շատ էին ուրախության պահերը, որոնք միշտ իմ սրտում են մնալու »,- գրել է Պերալտան:
Սիրարփի Աղաբաբյան
