Աշխարհի առաջնությունում մնացած ոչ մի ֆուտբոլիստ չի խաղացել եզրափակչում
Երեկ Իսպանիայի ազգային հավաքականն անակնկալ կերպով լքեց ֆուտբոլի Աշխարհի առաջնությունը՝ ճանապարհը զիջելով Ռուսաստանի ընտրանուն:
Այս իրադարձությունից հետո Աշխարհի առաջնությունում պայքարը լքեցին բոլոր այն ֆուտբոլիստները, ովքեր նախկինում մասնակցել էին Աշխարհի առաջնության եզրափակչին:
Հիմա ստացվում է, որ Աշխարհի առաջնությունում մնացած և ոչ մի ֆուտբոլիստ նախկինում չի մասնակցել առաջնության եզրափակիչ փուլին:
Ավելի վաղ այս Մունդիալից դուրս մնացին 2014 թվականի չեմպիոններ գերմանացիները և փոխչեմպիոններ արգենտինացիները: Պայքարը լքած Իսպանիան էլ 2010 թվականին հաղթել էր Հոլանդիային, որն էլ առհասարակ դուրս չէր եկել եզրափակիչ փուլ:
Սիրարփի Աղաբաբյան
