«Բարսելոնան» պատրաստ է վաճառել Սիլեսենին 30 մլն եվրոյով
Ո՞ւմ է նա պետք այդպիսի գնով: Դարպասապահ Յասպեր Սիլեսենը կարող է հեռանալ «Բարսելոնայից» ընթացիկ տրանսֆերային պատուհանի ժամանակ:
«Կապտանռնագույնները» պատրաստ են վաճառել դարպասապահին 30 մլն եվրոյով, չնայած նրա հրաժարագինը կազմում է 60 մլն եվրո: «Բարսելոնայում» գտնում են, որ Սիլեսենն իդեալական երկրորդ դարպասապահ է, բայց եթե նա ուզենա հեռանալ, ապա ակումբը նրան չի պահի: Ինչպես հաղորդում է Sport-ը, ֆուտբոլիստի նկատմամբ հավակնություններ ունեն «Լիվերպուլը» և «Չելսին»:
Նախորդ մրցաշրջանում Յասպերն անցկացրել է 11 խաղ, որոնցից 9-ը՝ Իսպանիայի գավաթում: Transfermarkt-ը նրան գնահատում է 9 մլն եվրո:
Պատրաստեց Անի Գաբուզյանը
