«Նուբարաշեն» ՔԿՀ-ում մկրտվել է ցմահ դատապարտյալը
«Նուբարաշեն» քրեակատարողական հիմնարկում հունիսի 27-ին կայացել է ցմահ ազատազրկման դատապարտված Ա. Մ.-ի մկրտության արարողությունը: Ինչպես տեղեկացրին ՀՀ ԱՆ ՔԿԾ հանրային կապերի բաժնից, դատապարտյալ Ա. Մ.-ն մկրտվել է քրեակատարողական հիմնարկների հոգևոր առաջնորդ Տեր Ռուբեն վարդապետ Զարգարյանի և ցմահ դատապարտյալների հոգևոր հովիվ Տեր Գրիգոր քահանա Հովհաննիսյանի ձեռամբ:
Արարողությանը ներկա են գտնվել նաև դատապարտյալի հարազատները:
Հոգևոր այս մեծ խորհուրդը դատապարտյալների ցանկությամբ իրականացվում է նաև ՀՀ ԱՆ քրեակատարողական հիմնարկներում:
