«Երիտասարդներին իմ աջակցությունն էի հայտնել, ինչը դարձել էր կռվախնձոր իմ և ներկա քաղաքապետի միջև». Գլենդել քաղաքի քաղաքապետ
ԱՄՆ-ի Գլենդել քաղաքի քաղաքապետ Զարեհ Սինանյանն այսօր լրագրողների հետ հանդիպման ընթացքում հայտարարեց, որ Մաշտոցի պուրակի հետ կապված կոնֆլիկտ է ունեցել Երևանի քաղաքապետ Տարոն Մարգարյանի հետ։
«Մեր տունը Մաշտոցի պուրակի մոտ է գտնվում, և ժամանակին բացեիբաց սոցիալական մեդիայով արտահայտվել եմ այն ամենի դեմ, ինչ կատարվում էր։ Երիտասարդներին իմ աջակցությունն էի հայտնել, ինչը դարձել էր կռվախնձոր իմ և ներկա քաղաքապետի միջև, նույնիսկ անձնական մակարդակի»,- ասաց նա։
Նրա խոսքով՝ եթե խորհրդի կարիք լինի, ցանկացած առողջ մարդ պետք է խորհուրդ առաջարկի. «Եթե այդ ստրուկտուրան ստեղծվի, ապա շատերն ուրախ կլինեն և՛ մասնագիտական խորհուրդներով, և՛ այլ ձևերով օգտակար լինել»։
Ռազմիկ Մարտիրոսյան
