Նախարարն առողջապահության ֆինանսավորման ապահովագրական մոդելի երկու տարբերակ է առաջարկում
ՀՀ առողջապահության նախարար Արսեն Թորոսյանի կարծիքով՝ Հայաստանն ի վերջո պետք է քայլ առ քայլ անցնի առողջապահության ֆինանսավորման ապահովագրական մոդելին։ Նախարարն իր ֆեյսբուքյան էջում դա անելու համար հանրությանը երկու տարբերակ է առաջարկել:
Մոդելին անցնելու համար նախարարը որպես առաջին տարբերակ հնարավոր է համարել մեկ միասնական պետական ապահովագրական հիմնադրամի միջոցով (Public Insurance Fund), երկրորդը՝ մասնավոր ապահովագրական ընկերությունների միջոցով, որոնց պետությունը պետք է խիստ վերահսկի։ Նախարարը դիմել է հանրությանը կարծիք հայտնել իր ֆեյսբուքյան էջում ներկայացված ընտրության միջոցով։
