Բնակարանի վարձի համար կառավարության անդամները մինչև 100 000 դրամ փոխհատուցում կստանան
Մշտական բնակության վայրից դուրս պաշտոնի նշանակված կառավարության անդամին տվյալ վայրում բնակարանի վարձին համարժեք փոխհատուցման առավելագույն չափը կսահմանվի ամսական 100 000 դրամ։ Պաշտոնյաներին բնակվարձի փոխհատուցում տալու այս հարցն ընդգրկված է կառավարության վաղվա նիստի օրակարգում։
Նախագիծը ներկայացնելու է Արդարադատության նախարար Արտակ Զեյնալյանը։ Ըստ որոշման նախագծի՝ բնակարանի վարձի փոխհատուցումը տրամադրվում է իր մշտական բնակության վայրից դուրս կառավարության անդամի պաշտոնավարման ժամանակահատվածի համար:
Նշենք, որ փոխհատուցման ենթակա բնակվարձի չափը չի փոխվել, նախկինում էլ այն 100 հազար դրամ էր։
