«ՀԷՑ-ը պատրաստ է գնալ դրան». Արթուր Գրիգորյանը՝ էլեկտրաէներգիայի սակագնի նվազեցման մասին
«Մենք կատարել ենք համապատասխան վերլուծություն, որ հասկանանք՝ ՀՀ-ում էլեկտրաէներգիայի սակագինը հնարավո՞ր է վերանայել, փոփոխության ենթարկել, թե՞ ոչ»,- այսօր կառավարության նիստից հետո լրագրողների հետ զրույցում հայտարարեց Էներգետիկ ենթակառուցվածքների և բնական պաշարների նախարար Արթուր Գրիգորյանը՝ ներկայացնելով անապահով խավի համար էլեկտրաէներգիայի սակագինը 10 դրամով նվազեցնելու՝ կառավարության որոշումը։
Ըստ նրա՝ տարվա ընթացքում խոսքը մոտ 2 մլրդ դրամի մասին է, ՀԷՑ-ի հետ բանակցել են, և ընկերությունը պատրաստ է գնալ դրան։
Գազի գնի վերաբերյալ նախարարը նշեց, որ Ռուսաստանի հետ բանակցությունները կսկսվեն նոյեմբերին. «Նոր պայմաններով պետք է տեղի ունենան բանակցությունները»։
Հիշեցնենք, որ այժմ ռուսական գազը Հայաստանը սահմանին ձեռք է բերում 1000 խմ-ն՝ 150 դոլարով։
Ըստ նախարարի՝ եթե գինը բարձրացնելու հարց լինի, չի բացառվում, որ Հայաստանը սկսի գազ գնել Իրանից։
Մանրամասները՝ տեսանյութում
