Ֆելիքս Ցոլակյանը դուրս է գալիս Հանրապետական խմբակցությունից
Ազգային ժողովի պատգամավոր Ֆելքիս Ցոլակյանը հայտարարում է, որ դուրս է գալիս Հանրապետական խմբակցությունից։
«Թերևս բոլորին է հայտնի, որ երբևէ որևէ կուսակցության անդամ չեմ եղել, իսկ սույն թվականի մայիսի մեկին տեղի ունեցած վարչապետի ընտրությունից հետո, փաստացի, դադարել է նաև համագործակցությունը «ՀՀԿ» խմբակցության հետ։ Հաշվի առնելով այն հանգամանքը, որ Ազգային Ժողովի պատգամավոր եմ ընտրվել ռեյտինգային ընտրակարգով և ունեմ ուղղակի պարտավորություններ իմ օգտին քվեարկած մեր հայրենակիցների և ողջ Շիրակ աշխարհի առջև՝ շարունակելու եմ հանդես գալ որպես անկախ պատգամավոր և ներկայացնել մեր ժողովրդի խնդիրները»,- «Ֆեյսբուքի» իր էջում գրել է պատգամավորը։
