«Սա առաջնային խնդիր է, և ծախսը շատ ավելի արդարացված է լինելու». Արա Նազարյան
Հակակարկտային նոր համակարգերը պիլոտային ծրագրով տեղադրված են՝ 2-ը՚ Արագածոտնի, և 1-ը՝ Արմավիրի մարզում։ Ինչպես այսօր ԱԺ մշտական հանձնաժողովներում 2017 թ. բյուջեի կատարողականի քննարկումների ժամանակ հայտարարեց ԱԻՆ փոխնախարար Արա Նազարյանը, ՀՀ ամբողջ մակերեսը ծածկելու համար անհրաժեշտ են նման 71 կայաններ՝ ընդհանուր 12 մլն ԱՄՆ դոլար արժեքով։
Նրա խոսքով՝ այս պահին շարունակվում են փորձարկումները, որոշակի խնդիրներ են եղել հրթիռների արձակման հետ, որոնք շտկվում են։
Ա.Նազարյանի խոսքով՝ այսօրվա 547 գազային հակակարկտային համակարգերն արդյունավետ չեն, ծածկում են ընդհանուր ՀՀ միայն 8%, մինչդեռ 1 նոր կայանը ծածկում է 15 հազար հեկտար. «Սա առաջնային խնդիր է, և ծախսը շատ ավելի արդարացված է լինելու, քան այն վնասները, որ մենք կրում ենք»։
