Փոխքաղաքապետ Վահե Նիկոյանը պահանջում է «Երկիր Ծիրանիի» անդամ Մարինա Խաչատրյանից հրապարակայնորեն ներողություն խնդրել
Ս. թ. մայիսի 30-ին Երևանի ավագանու հերթական նիստի ընդմիջմանը «Երկիր Ծիրանի» խմբակցության անդամ Մարինա Խաչատրյանը մի շարք լրատվամիջոցների ներկայությամբ հայտարարեց, որ ես, մեջբերում եմ, «լրագրող եմ ծեծել»:
Ես՝ Վահե Նիկոյանս, ամենայն պատասխանատվությամբ հայտարարում եմ, որ Մարինա Խաչատրյանի այս պնդումն ակնհայտ սուտ է և զրպարտություն։ Նշված անձի սանձարձակություններն ու սադրանքները Երևանի ավագանու նիստերի ընթացքում բոլորին են հայտնի, սակայն ակնհայտ զրպարտությունը դուրս է որևէ տրամաբանության կամ ողջամտության սահմաններից։
Պահանջում եմ Մարինա Խաչատրյանից անհապաղ հրապարակայնորեն ներողություն խնդրել ակնհայտ ստի, իմ պատիվն ու համբավն արատավորելու փորձ կատարելու համար։
Որպես Երևանի ավագանու անդամ՝ Մարինա Խաչատրյանը պետք է գիտակցի, որ հրապարակային ցանկացած խոսք պատասխանատվություն է ենթադրում և այլ անձանց զրպարտելն օրենքով պատժելի արարք է։
Վահե Նիկոյան
Երևանի քաղաքապետի տեղակալ
