Ռոնալդուի գործակալը մեկնել է Փարիզ՝ ՊՍԺ-ի հետ բանակցություններ վարելու համար
Ինչպես հաղորդում է Sapo Desporto-ն, Մադրիդի «Ռեալի» հարձակվող Կրիշտիանու Ռոնալդուն կարող է դառնալ ՊՍԺ-ի ֆուտբոլիստ:
Ըստ պարբերականի տվյալների: Պորտուգալացի հարձակվողի գործակալ Ժորժե Մենդեշը նախօրեին մեկնել է Փարիզ, որպեսզի բանակցություններ վարի ֆրանսիական թիմի ներկայացուցիչների հետ և պայմանավորվի իր հաճախորդի՝ ՊՍԺ տեղափոխության մասին:
Հիշեցնենք, որ Չեմպիոնների լիգայի եզրափակչում «Լիվերպուլի» դեմ կայացած խաղից հետո (3:1) Ռոնալդուն ակնարկել է, որ մոտ ժամանակները կարող է հեռանալ մադրիդյան ակումբից. «Ապագայի մասին կխոսենք ավելի ուշ: Ինձ շատ հաճելի էր խաղալ «Ռեալի» կազմում, իսկ պատասխանը ես կտամ մոտ օրերս»:
Պատրաստեց Անի Գաբուզյանը
