Ֆուտբոլի հավաքականը հերթական մարզումն է անցկացրել Ավստրիայում
Հայաստանի ֆուտբոլի ազգային թիմը շարունակում է ուսումնամարզական հավաքը Ավստրիայում:
Այս մասին հայտնում է ՀՖՖ-ն: Հայաստանի ազգային հավաքականն անցկացրեց հերթական մարզումը: Մալթայի հավաքականի դեմ խաղի հիմնական կազմում ընդգրկված ֆուտբոլիստների մարզումը կրում էր վերականգնողական բնույթ, մյուս ֆուտբոլիստները մարզվում էին սովորական ծրագրով:
Մայիսի 31-ը լինելու է հանգստի օր, իսկ հունիսի 1-ից թիմը կվերսկսի մարզումները և կշարունակի նախապատրաստվել Մոլդովայի հետ ընկերական հանդիպմանը:
Նախօրեին Հայաստանի ազգային թիմը ոչ-ոքի խաղաց Մալթայի հետ: Հավաքականի կազմում իր անդրանիկ գնդակը խփեց Իվան Յագանը:
