«Քաղաքական գործընթացներում առաջին դեպքը չէ, երբ մարդիկ գալիս են, գնում են». Էդուարդ Շարմազանով
ԱԺ փոխնախագահ, ՀՀԿ խոսնակ Էդուարդ Շարմազանովն այսօր ԱԺ-ում լրագրողների հետ զրույցում մեկնաբանելով Արթուր Գևորգյանի` ՀՀԿ-ից և խմբակցությունից դուրս գալու, բայց պատգամավորական մանդատը պահպանելու մասին հայտարարությունը, ասաց:
«Քաղաքական գործընթացներում առաջին դեպքը չէ, երբ մարդիկ գալիս են, մարդիկ գնում են»:
Խմբակցությունից դուրս գալու մասին հայտարարել էր նաև ՀՀԿ խմբակցության պատգամավոր Շիրակ Թորոսյանը: Այս առնչությամբ Է.Շարմազանովն ասաց, որ նման քաղաքական որոշմամբ հանդես է եկել նաև խմբակցությունը:
Հարցին` կլինե՞ն կուսակցությունը այլ լքողներ, Է.Շարմազանովը պատասխանեց, որ քաղաքականությունը հնարավորությունների արվեստ է, և ինքը կանխատեսումներ չի ուզում անել. «Ես իմ ապագան պատկերացնում եմ ՀՀԿ-ում, շարունակելու եմ ծառայել իմ ժողովրդին, իմ հայրենիքին` ՀՀԿ կազմում»:
Նա նշեց, որ այս պահին վտանգ չի տեսնում, որ ՀՀԿ-ն կդառնա փոքրամասնություն:
