Մահացել է քիմիայի բնագավառում Նոբելյան մրցանակի դափնեկիր Ենս Սքոուն
99 տարեկան հասակում մայիսի 28-ին մահացել է դանիացի գիտնական Ենս Քրիստիան Սքոուն, որը քիմիայի բնագավառում Նոբելյան մրցանակի է արժանացել 1997 թվականին: Նրա մահվան վերաբերյալ հաղորդագրությունը մայիսի 29-ի առավոտյան տարածել է Օրհուսի համալսարանի կայքը, որի պատվավոր պրոֆեսորն էր Սքոուն:
Դանիացին հեղինակավոր պարգեւն ստացել է անցյալ դարի 50-ական թվականներին կատարած հայտնագործության համար: Մրցանակը Սքոուն բաժանել է ամերիկացի հետազոտող Փոլ Բոյերի եւ բրիտանացի Ջոն Ուոքերի հետ, հաղորդել է ՏԱՍՍ-ը:
