«Յուրաքանչյուր դեպք մանրամասն ուսումնասիրելուց հետո կտրվեն համապատասխան ցուցումներ ու հրահանգներ»
ՀՀ աշխատանքի և սոցիալական հարցերի նախարարությունը հորդորում է քաղաքացիներին գերատեսչությանը տրամադրել ճշգրիտ տեղեկատվություն ընտանեկան նպաստի տրամադրման գործընթացում հնարավոր խախտումների պարագայում: Ինչպես տեղեկացրին ՀՀ աշխատանքի և սոցիալական հարցերի նախարարության հասարակայնության հետ կապերի բաժնից, նախարարության հայտարարության մեջ ասվում է.
«ՀՀ աշխատանքի և սոցիալական հարցերի նախարարությունը մշտապես աչալուրջ է ձեր կողմից բարձրացված հարցերին ու բողոքներին և պատրաստակամ է լուծելու ձեր խնդիրները՝ ելնելով իր գործառույթների և իրավասության շրջանակներից:
Այսուհետ, ընտանեկան նպաստի կանխիկ տրամադրման գործընթացում, մասնավորապես, ապօրինի կամ անհասցե կարգով գումարների պահման հետ կապված խնդիրների, մտահոգությունների և իրողությունների հայտնաբերման դեպքում կարող եք զանագահարել հետևյալ +374 55 41 19 11 հեռախոսահամարով: Խնդրում ենք տրամադրել հասցեական և ճշգրիտ տեղեկատվություն:
Հավաստիացնում ենք, որ յուրաքանչյուր դեպք մանրամասն ուսումնասիրելուց հետո կտրվեն համապատասխան ցուցումներ ու հրահանգներ»:
