Ինքնասպանությունից առաջ կապիտանը երկտող է թողել. մանրամասներ. «Ժողովուրդ»
«Մայիսի 26-ին՝ ժամը 13:00-ի սահմաններում, ՀՀ ՊՆ N զորամասի կապի վաշտի ննջարանում կրծքավանդակի շրջանում ստացած միջանցիկ հրազենային գնդակային մահացու վիրավորումով հայտնաբերվել է կապիտան Հմայակ Հակոբի Հակոբյանը: «Ժողովուրդ» օրաթերթին կապիտանի մահվան դեպքից որոշ մանրամասներ են հայտնի դարձել:
Մասնավորապես մեզ հայտնի դարձավ, որ 28-ամյա Հմայակ Հակոբյանը ապրում էր Արարատի մարզի Հնաբերդ համայնքում, ուներ մեկ եղբայր, որը պայմանագրային զինառայող էր: Ասել է թե, երկու եղբայրներն էլ ծառայում էին Հայոց բանակում:
Թերթի հետ զրույցում Հնաբերդ համայնքի ղեկավար Մարատ Պողոսյանը պատմեց, որ Հմայակ Հակոբյանի նման կապիտաններ շատ քիչ կան, ու այդ դեպքը իրենց համար էլ է զարմանալի.
«Նախնական վարկածով ինքը ինքնասպան է եղել, բայց երեւի այդպես էլ գնա, քանի որ մեզ լուրեր են հասել, որ նա գրություն է թողել, որ իր այս քայլում ոչ մեկի չմեղադրեն»:
Ամբողջությամբ կարող եք կարդալ թերթի այսօրվա համարում:
