Փրկարարները ծառի ճյուղը հեռացրել են ավտոմեքենայի վրայից
Մայիսի 28-ին, ժամը 12:02-ին «911» ծառայությանն ահազանգ է ստացվել, որ Երևան քաղաքի Կիևյան փողոցի թիվ 4 շենքի բակում գտնվող ծառի ճյուղը պոկվել է և ընկել մոտակայքում կայանած ավտոմեքենայի վրա. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները ծառի ճյուղը հեռացրել են «Nissan Tiida» մակնիշի ավտոմեքենայի վրայից:
