Բնապահպանները կազմել են Եվրոպայի քաղաքների էկոշարժունակության վարկանիշը
Վուպերտալի Կլիմայի, շրջակա միջավայրի եւ էներգետիկայի ինստիտուտը (Գերմանիա) «Գրինպիսի» պատվերով գնահատել է Եվրոպայի 13 խոշոր քաղաքների էկոշարժունակությունը:
Վարկանիշը կազմելիս հաշվի են առնվել 21 ցուցանիշներ՝ խմբավորված 5 կատեգորիաներով. հասարակական տրանսպորտ, ճանապարհային երթեւեկության անվտանգություն, օդի որակ, շարժունակության կառավարում եւ ակտիվ շարժունակություն (հետիոտն զբոսանքներ եւ հեծանվային երթեր): Էկոշարժունակության առաջատարների եռյակը կազմել են Կոպենհագենը, Ամստերդամը եւ Օսլոն: Վարկանիշը եզրափակում են Լոնդոնը, Մոսկվան եւ Հռոմը:
