Կուբայում նույնականացրել են ավիաաղետից 33 զոհվածների աճյունները
Նույնականացվել են Կուբայում ավիաաղետի հետեւանքով 33 զոհվածների աճյունները: Այդ մասին հայտնել է Prensa Latina գործակալությունը: Ինչպես պատմել է դատական բժշկության ինստիտուտի մասնագետ Խորխե Գոնսալեսը, ճանաչման գործընթացը պետք է ավարտվի մեկ ամսվա ընթացքում:
Մայիսի 18-ին Boeing 737-200-ը, որը կատարում էր Հավանա – Օլգին չվերթը, մեկնումից շատ չանցած ընկել է Խոսե Մարտինի անվան օդանավակայանի եւ Հավանայի Սանտյագո դե լաս Վեգաս արվարձանի միջեւ: Ինքնաթիռում եղել է 110 մարդ, ներառյալ անձնակազմի անդամները, 107 մարդ զոհվել է, երեք կանայք օրհասական վիճակում գտնվում են հիվանդանոցում, հաղորդել է ՌԻԱ Նովոստին:
