Քիշնևի քաղաքագլխի ընտրությունների երկրորդ փուլ են անցել ձախ և աջ ընդդիմության թեկնածուները
Քիշնեւի քաղաքագլխի ընտրությունների երկրորդ փուլ են անցել ձախ եւ աջ ընդդիմության թեկնածուները՝ ռուսամետ Սոցիալիստների կուսակցության ներկայացուցիչ Իոն Չեբանը եւ «Պլատֆորմ DA» եվրոպամետ կուսակցության առաջնորդ Անդրեյ Նեստասեն:
Ինչպես հայտնել է Մոլդովայի Կենտրոնական ընտրական հանձնաժողովը, բոլոր քվեաթերթիկների հաշվումից հետո Քիշնեւի քաղաքագլխի ընտրություններում առաջատարը Իոն Չեբանն է՝ 40,98 տոկոս արդյունքով: Անդրեյ Նեստասեն երկրորդ տեղում է՝ հավաքելով ձայների 32,12 տոկոսը:
Այս երկու թեկնածուները քաղաքապետի մանդատի համար կպայքարեն ընտրությունների երկրորդ փուլում, որը կկայանա հունիսի 3-ին: Առաջին փուլի գլխավոր անակնկալը դարձել է այն, որ Մոլդովայում կառավարող Դեմոկրատական կուսակցության ներկայացուցիչը՝ Քիշնեւի քաղաքագլխի պաշտոնակատար Սիլվիա Ռադուն, չանցավ երկրորդ փուլ՝ ստանալով ընտրողների ձայների միայն 17,65 տոկոսը:
Քիշնեւի քաղաքագլխի ընտրություններին մասնակցել է 11 թեկնածու, հաղորդել է «Ինտերֆաքս»-ը:
