Եգիպտոսը պաղեստինցիների համար բացում է Գազայի հատվածի հետ սահմանի անցակետը
Եգիպտոսի նախագահ Աբդել Ֆաթահ աս Սիսին որոշում է ընդունել բացել հսկիչ այցակետը Գազայի հատվածի հետ սահմանի Ռաֆահ քաղաքում, որպեսզի պաղեստինցիները կարողանան ազատորեն այն հատել մուսուլմանների համար սրբազան Ռամադան ամսվա ընթացքում:
«Այս որոշումն ընդունվել է, որպեսզի թեթեւացվի Գազայի հատվածի բնակիչների տառապանքը»,- գրել է Եգիպտոսի նախագահը Facebook-ի իր էջում:
Ռաֆահ քաղաքի հսկիչ անցակետը միակ տրանսպորտային ուղին է, որը հարում է Գազայի հատվածին, եւ չի վերահսկվում իսրայելացիների կողմից:
Եգիպտոսի իշխանությունները վերջին տարիներին փակում էին այն անվտանգության նկատառումներով, հաղորդել է «Ինտերֆաքս»-ը:
