Հայաստանում ռուսական ռազմաբազայի զինծառայողները մասնակցում են «Լավագույն հատուկջոկատային» մրցումներին
Հայաստանում ռուսական ռազմաբազայի հատուկ նշանակության ստորաբաժանման զինծառայողները Ալանիայի «Դարյալ» զորավարժարանում մասնակցում են «Լավագույն հատուկջոկատային» խորագրով մրցումներին: Այս մասին տեղեկացրին Հայաստանում ռուսական ռազմական բազայի մամուլի ծառայությունից:
Երկշաբաթյա մրցումների ընթացքում հատուկ նշանակության ջոկատները կմրցեն հատուկ-տակտիկական, կրակային, ինժեներական, ռազմաբժշկական և լեռնային վարժությունների շրջանակներում:
Մրցումների եզրափակիչ փուլում հատուկջոկատայինները կանցկացնեն հակահարվածային գործողություններ պայմանական հակառակորդի դիրքերին անաղմուկ կրակի միջոցով:
«Դարյալ» զորավարժարանում անցկացվող մրցույթին մասնակցում է Հայաստանում ռուսական ռազմաբազայի 100 զինծառայող:
