Իրանը ճնշումներին չի ենթարկվի նույնիսկ պատերազմի սպառնալիքի դեպքում. Ռոուհանի
Իրանի Իսլամական Հանրապետության (ԻԻՀ) նախագահ Հասան Ռոուհանին հայտարարել է, որ ճնշումները, պատժամիջոցները եւ նույնիսկ պատերազմի սպառնալիքը Իրանի ժողովրդին չեն ստիպի կապիտուլյացիա հայտարարել ԱՄՆ-ի առջեւ: Այդ մասին մայիսի 16-ին հայտնել է ISNA գործակալությունը:
«Միջուկային ծրագրի հարցում ոմանք կարծում են, որ ճնշումը, պատժամիջոցները, սպառնալիքները, ներառյալ պատերազմ սկսելու սպառնալիքը, կարող են Իրանի ժողովրդին ստիպել կապիտուլացվել,-ասել է Ռոուհանին:-Սակայն իրանական ժողովրդի անսասանությունը ցույց է տվել, որ նման դիրքորոշումը խորապես սխալ է»:
Իսլամական Հանրապետության նախագահը հավելել է, որ իր երկիրը «կդիմադրի ԱՄՆ-ի դավադրություններին», որը «թշնամաբար է տրամադրված իրանցիների նկատմամբ եւ նրանց համար խնդիրներ է ստեղծում»: «Մենք, թե ԱՄՆ-ն է խախտել միջազգային իրավունքը: Մենք. թե նրանք են խախտել ՄԱԿ-ի բանաձեւերը (միջուկային գործարքի վերաբերյալ)»,-նշել է Ռոուհանին, հաղորդել է ՏԱՍՍ գործակալությունը:
