«Չեմ հեռանա Արգենտինայի հավաքականից, եթե չհաղթենք ԱԱ-2018-ը». Մեսսի
Արգենտինայի ազգային հավաքականի ավագ Լիոնել Մեսսին խոսել է Աշխարհի առաջնության մասին:
«Առաջին քառյակում հայտնվելը կնշանակի, որ մենք լավ մասնակցություն ենք ունեցել Աշխարհի առաջնությունում: Արգենտինան արժանի է այնտեղ հայտնվել պատմության պատճառով: Ճիշտ է, դա մեզնից մեծ ջանքեր կպահանջի, բայց մենք կանենք ամեն ինչ կրկին քառյակում լինելու համար:
Անգամ, եթե մենք չհաղթենք Աշխարհի առաջնությունը, ես չեմ հեռանա հավաքականից: 2016-ին ես փոշմանեցի իմ հայտարարությունից անմիջապես հետո (ֆուտբոլիստը նշել էր, որ հեռանում է հավաքականից): Դա սխալ ուղերձ կլիներ բոլոր երիտասարդներին, ովքեր պայքարում են իրենց երազանքի համար:
Շարունակեք պայքարել նրա համար, ինչ դուք ուզում եք»,- նշել է Մեսսին TyC Sports-ի եթերում:
Սիրարփի Աղաբաբյան
