Էլվիս Փրեսլիի ժամացույցը 18 անգամ ավելի թանկ է վաճառվել նախնական գնահատումից
Երաժիշտ Էլվիս Փրեսլիին պատկանող 1960 թվականի թողարկման Omega ժամացույցը՝ զարդարված ադամանդներով, Phillips-ի աճուրդում վաճառվել է 1,812 մլն շվեյցարական ֆրանակով (1,8 մլն դոլար):
Ինչպես ասված է աճուրդային տան կայքում զետեղված նյութերում, գործարքի գումարը 18 անգամ գերազանցում նախավաճառքային ամենաբարձր գնահատումը (100 հազար ֆրանկ):
Լոտը Omega մակնիշի ժամացույցների համար արժեքի նոր ռեկորդ է սահմանել եւ, հակառակ սպասումներին, ամենաթանկերից մեկն է դարձել աճուրդում, որը տեղի է ունեցել մայիսի 12-13-ին Ժնեւում, հաղորդել է «Ինտերֆաքս»-ը:
