Թրամփը պատմել է վիրահատությունից հետո իր կնոջ վիճակի մասին
ԱՄՆ-ի առաջին տիկին Մելանյա Թրամփի երիկամների վիրահատությունը հաջող է անցել, հայտնել է Դոնալդ Թրամփը: «Բուժընթացը հաջող է անցել, նա լավ տրամադրություն ունի»,- գրել է նախագահը Twitter-ի՝ իր Էջում:
Ավելի ուշ Washington Examiner-ը հայտնել է, որ նախագահն այցելել է Ուոլթեր Ռիդի ազգային ռազմաբժշկական կենտրոն, որտեղ գտնվում է Մելանյա Թրամփը: Ավելի վաղ Սպիտակ տան մամուլի ծառայությունը տեղեկացրել է, որ Թրամփի կինը հաջող է տարել երիկամների վիրահատությունը: Նշվել է, որ Մելանյա Թրամփը բժշկական կենտրոնում կմնա «հավանաբար, մեկ շաբաթ», հաղորդել է ՌԻԱ Նովոստին:
