Պատահար Մյասնիկյան պողոտայում
Մայիսի 15-ին՝ ժամը 00:14-ին, «911» ծառայությանն ահազանգ է ստացվել, որ Երևան քաղաքի Մյասնիկյան պողոտայի թիվ 41 շենքի մոտակայքում տեղի է ունեցել ՃՏՊ, ավտոմեքենան շրջվել է. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ շրջվել է «Մալինա» տաքսի ծառայությանը պատկանող «Renault Logan» մակնիշի (վարորդը՝ Ա. Հ.) ավտոմեքենան: ՃՏՊ-ի հետևանքով տուժածներ չկան:
Մինչ փրկարարների` դեպքի վայր հասնելն, ավտոմեքենան ուղղվել է քաղաքացիների ուժերով:
Փրկարարները հոսանքազրկել են ավտոմեքենան և ուղղել մոտակա բաց դիտահորի կափարիչը:
