Մարդատար երկու օդանավեր են բախվել Ստամբուլի օդանավակայանում
“Asiana Airlines” հարավկորեական ավիաընկերության Airbus A330 ինքնաթիռը մայիսի 13-ին Ստամբուլի օդանավակայանում բախվել է “Turkish Airlines” ընկերությանը պատկանող Airbus А321 օդանավին: Այդ մասին հայտնել է «Ջումհուրիեթ» թերթը:
Նրա տվյալներով՝ հարավկորեական հանրանավը, որն ուղեւորվում էր Սեուլ, թեւով դիպել է թուրքական ինքնաթիռի պոչամասին, որն Ստամբուլի օդանավակայան էր ժամանել Հյուսիսային Կիպրոսից: Երկու ինքնաթիռներն էլ միջադեպից հետո հանվել են թռիչքներից եւ ուղարկվել ստուգման: Բախման պահին օդանավերում գտնվածներից ոչ ոք չի տուժել:
Պատահարի վայր էին կանչվել հրշեջներ, որոնք կանխել են բռնկման հնարավորությունը: Միջադեպից հետո ձեռնարկվել են անվտանգության համապատասխան միջոցներ, հաղորդել է ՏԱՍՍ գործակալությունը:
