Փրկարարներն ավտոմեքենան դուրս են բերել արգելափակումից
Մայիսի 13-ին, ժամը 22:39-ին «911» ծառայությանը տեղեկություն է ստացվել, որ Կոտայքի մարզի Քաղսի գյուղի մոտակայքում ավտոմեքենա է արգելափակվել ցեխակույտում. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատի օպերատիվ խումբը:
Պարզվել է, որ Մ-4 ավտոճանապարհի Երևան-Սևան հատվածի 40-րդ կմ-ին հարակից հանդամասում «Opel Astra G» մակնիշի ավտոմեքենան (վարորդը՝ Ս. Ա.) արգելափակվել է ցեխակույտում:
Փրկարարները դուրս են բերել ավտոմեքենան արգելափակումից:
