Ավստրալիայի ամենածեր գիտնականը 104 տարեկանում մահացել էվթանազիայից հետո. ABC
Ավստրալիայի ամենածեր գիտնականը՝ բնապահպանության եւ բուսաբանության բնագավառի մասնագետ Դեւիդ Գուդելը, Շվեյցարիայում 104 տարեկան հասակում մահացել է էվթանազիայից հետո: Այդ մասին հայտնել է ABC ավստրալական հեռուստաալիքը:
Գիտնականը կամավոր հեռացել է կյանքից: Նա հատուկ մեկնել էր Շվեյցարիա, քանի որ Ավստրալիայում նմանօրինակ ընթացակարգն արգելված է:
Գուդելը ծնվել է 1914 թվականի ապրիլի 14-ին Էդմոնտոն քաղաքում (Ալբերտայի նահանգ): Նա բնապահպանության եւ բուսաբանության բնագավառի ավելի քան հարյուր գիտական աշխատությունների հեղինակ է: Իր կյանքի վերջին 20 տարին գիտնականը նվիրել է Ավստրալիայում էվթանազիայի օրինականացման համար պայքարին:
Վերջին ճամփորության ժամանակ Գուդելին ուղեկցել այդ ընթացակարգի իրավունքը պաշտպանող Exit International ավստրալական շարժման հիմնադիր Ֆիլիպ Նիշկեն: Կազմակերպության կամավորները գիտնականի մեկնումի համար հանգանակել էին 20 հազար ավստրալական դոլար (15 հազար դոլար), հաղորդել է ՏԱՍՍ-ը:
