Իրանում սպառնացել են «հողին հավասարեցնել» Թել Ավիվը
Իրանի փորձագետների խորհրդի անդամ Ահմադ Խաթամին հայտարարել է, որ եթե Իսրայելը շարունակի «անխոհեմ» գործել, Թել Ավիվը եւ Հայֆան կոչնչացվեն: Այդ մասին հայտնել է IRIB հեռուստաալիքը:
«Մենք միջուկային ռումբի հետ գործ չունենք, ընդհակառակը, մեր քաղաքականությունը զսպման քաղաքականություն է, այդ ուղղությամբ Իրանի հրթիռային հզորությունն օրեցօր աճում է, որպեսզի Իսրայելն այդ ուժից չկարողանա քնել, իսկ եթե նա գործի անմտորեն, ապա մենք հողին կհավասարեցնենք Թել Ավիվն ու Հայֆան»,- հայտարարել է Խաթամին, հաղորդել է ՌԻԱ Նովոստի գործակալությունը:
