«Բուհերի խորհուրդների ձևավորման ընթացիկ պրակտիկան այնքան էլ լավը չէ». Նիկոլ Փաշինյան
ՀՀ վարչապետ Նիկոլ Փաշինյանը բուհերի խորհուրդների ձեւավորման ընթացիկ պրակտիկան ճիշտ չի համարում: Այսօր կառավարության նիստում Նիկոլ Փաշինյանը հարցի վերաբերյալ ներկայացնելով իր մոտեցումը, ասաց. «Բուհերի խորհուրդների ձեւավորման ընթացիկ պրակտիկան այնքան էլ լավը չէ: Սա թեմա է, որ պետք է քննարկել: Բուհական համակարգին ակադեմիական ինքնավարություն տալու հարցը պետք է լինի մեր օրակարգում»:
Նա նշեց, որ դրա համար անհրաժեշտ է որոշակի փոփոխություն կատարել:
Կառավարութան նիստում գործադիրը փոփոխություն կատարեց իր որոշումներից մեկում, որով 150 մլն դրամ է հատկացվում Կրթության և գիտության նախարարությանը, որպեսզի հետագայում նվիրաբերության պայմանագրով հանձնվի Գյուղատնտեսական ակադեմիային: Այդ գումարը, ըստ ԿԳ նախարարի պարտականությունները կատարող Վահրամ Մկրտչյանի, նախատեսված է վերանորոգման համար:
