Մխիթարյանի հետ մարզվելու հնարավորությունը վաճառվել է 7500 ֆունտով

Լոնդոնում նախօրեին կայացավ «Արսենալ» ֆուտբոլային ակումբի բարեգործական երեկոն, որի ընթացքում հավաքված ամբողջ գումարը կծառայի բարեգործությանը:

Հայաստանի ֆուտբոլի ազգային թիմի ավագ Հենրիխ Մխիթարյանը ևս մասնակցել է երեկոյին: Հայ կիսապաշտպանի հետ մեկ ժամ մարզում անցկացնելը արժեցել է 7500 ֆունտ:

Բարեգործական երեկոյի ամբողջ ընթացքում հավաքվել է 442 հազար 734 ֆունտ: