«Ես երջանիկ եմ «Լիվերպուլում», սա ընդամենն իմ առաջին մրցաշրջանն է». Սալահ
«Լիվերպուլի» կիսապաշտպան Մոհամեդ Սալահը խոստովանել է, որ երջանիկ է «Լիվերպուլում» և չի պլանավորում հեռանալ ակումբից:
«Ես շատ երջանիկ եմ «Լիվերպուլում», ինձ ամեն ինչ դուր է գալիս: Մեզ մնացել է 2 շատ կարևոր խաղ մրցաշրջանում. Կիրակի՝ «Բրայթոնի» հետ, իսկ հետո՝ Չեմպիոնների լիգայի եզրափակիչը:
Իհարկե, ես ապագայի հավակնություններ ունեմ «Լիվերպուլի» հետ: Մենք գերազանց մրցաշրջան ենք անցկացնում, հիմա առջևում Չեմպիոնների լիգայի եզրափակիչն է, ինչից բոլորը լարված են: Սա միայն սկիզբն է: Սա ընդամենն իմ առաջին մրցաշրջանն է այս ակումբում»,- Սալահին է մեջբերում Liverpool Echo-ն:
«Լիվերպուլը» և «Ռեալը» կխաղան Չեմպիոնների լիգայի եզրափակչում մայիսի 26-ին, Կիևում:
Պատրաստեց Անի Գաբուզյանը
