Կանադայի արտգործնախարարը շնորհավորել է Նիկոլ Փաշինյանին
Կանադայի արտգործնախարար Քրիստիա Ֆրիլանդը շնորհավորել է Նիկոլ Փաշինյանին՝ ՀՀ վարչապետ ընտրվելու կապակցությամբ:
«Շնորհավորում եմ Նիկոլ Փաշինյանին Հայաստանի նոր վարչապետ ընտրվելու և Հայաստանի ժողովրդին՝ խաղաղ իշխանափոխության կապակցությամբ: Մենք հույս ունենք, որ վարչապետ Փաշինյանը կամրապնդի ժողովրդավարական արժեքները և կշարունակի սերտորեն համագործակցել Կանադայի հետ»,- Twitter-ի իր էջում գրել է Կանադայի ԱԳ նախարարը:
Հիշեցնենք, որ մայիսի 8-ին Ազգային ժողովի հատուկ նիստում Նիկոլ Փաշինյանն ընտրվել է ՀՀ վարչապետ: Նրա թեկնածությանը կողմ է քվեարկել 59, դեմ՝ 42 պատգամավոր:
