«Իմ տպավորությունն այն էր, որ Սերժ Սարգսյանը չի պատրաստվում լքել». ՀՀ նախագահ
«Ես Սերժ Սարգսյանի հետ հանդիպել եմ մի քանի օր առաջ, քննարկել ենք իրավիճակը, թեյ ենք խմել միասին»,- այսօր լրագրողների հետ զրույցում ասաց ՀՀ նախագահ Արմեն Սարգսյանը:
Հարցին՝ Ս. Սարգսյանը չի՞ պատրաստվում լքել Հայաստանը՝ Ա. Սարգսյանը հորդորեց նրանից հարցնել. «Իմ տպավորությունն այն էր, որ նա չի պատրաստվում լքել»:
Ա. Սարգսյանը կարծում է՝ պետք է հպարտ լինել այսօրվա Հայաստանով. «Որովհետև կարողացանք անել մի բան, որը որևէ ուրիշ պետություն վերջին տարիներին կամ տասնամյակների ընթացքում չի կարողացել անել: Ինձ համար սա հայկական հեղափոխություն է, կամ՝ հեղափոխություն՝ հայկական ձևով»:
Նախագահի խոսքով՝ ՀՀ միջազգային վարկանիշն այսօր մի քանի անգամ բարձր է, քան՝ մի քանի ամիս առաջ էր:
