Ադրբեջանի և ՌԴ-ի նախագահները քննարկել են երկու երկրների հարաբերությունների հեռանկարները
Ադրբեջանի նախագահ Իլհամ Ալիեւը հեռախոսազրույցի ընթացքում Վլադիմիր Պուտինին շնորհավորել է ռուսական պետության ղեկավարի պաշտոնն ստանձնելու կապակցությամբ: Այդ մասին, ինչպես հաղորդել է ՏԱՍՍ-ը, մայիսի 7-ին հայտնել է Ադրբեջանի նախագահի մամուլի ծառայությունը: Նրա տվյալներով՝ հեռախոսազրույցը կայացել է Ալիեւի նախաձեռնությամբ:
«Պետության ղեկավարը Վլադիմիր Պուտինին շնորհավորել է Ռուսաստանի Դաշնության նախագահի պաշտոնն ստանձնելու կապակցությամբ»,-ասված է հաղորդագրության մեջ: Նշվում է, որ զրույցի ընթացքում պետությունների ղեկավարները «նշել են ադրբեջանա-ռուսական ռազմավարական գործընկերության հաջող զարգացումը, կարծիքներ են փոխանակել երկկողմ հարաբերությունների հեռանկարների շուրջ»:
