Հավայիում առնվազն 30 տուն է քանդվել ժայթքող լավայի հոսքերից
Լավայի հոսքերից առնվազն 30 տուն է ոչնչացել Հավայիի շրջաններից մեկում, Կիլաուեա հրաբուխը շարունակում է ժայթքել: Այդ մասին հայտնել է Hawaii News Now պորտալը:
Պորտալի տվյալներով՝ ճեղքվածքների քանակը, որոնցից լավա է ժայթքում, հասել է տասի: Լավայի շատրվանները հասել են 70 մետր բարձրության:
«Ժայթքումը շարունակվում է»,- մեջբերում է պորտալը Հավայիի օկրուգի քաղաքացիական պաշտպանության վարչության ներկայացուցիչ Թալմադգե Մագնոյի խոսքը:
Ավելի վաղ տեղեկացվել է, որ Հավայան կղզիների իշխանությունները հայտարարել են բնակչության տարահանում Կիլաուեա հրաբխի ժայթքումից հետո: Կիլաուեան, որը գտնվում է Հավայի կղզում (նաեւ հայտնի է որպես Մեծ կղզի), համարում են մեր մոլորակի ամենաակտիվ գործող հրաբուխներից մեկը, հաղորդել է ՌԻԱ Նովոստին:
