Տեսահոլովակում 37-ամյա մերկ արտիստուհին թանձր խյուս է քսում իր վրա
Ամերիկացի երգչուհի Քրիստինա Ագիլերան թողարկել է վեց տարվա ընթացքում առաջին Accelerate կոմպոզիցիան եւ դրա հոլովակը: Այն հրապարակված է կատարողի You Tube-ալիքում:
Երաժշտական տեսահոլովակում 37-ամյա մերկ արտիստուհին թանձր խյուս է քսում իր վրա, լպստում է մատները, լակում կաթը եւ ցուցադրում գլիտերով զարդարված լեզուն: Որպես Accelerate-ի պրոդյուսեր հանդես է եկել հիփ-հոփ կատարող Քանյե Ուեսթը:
Կոմպոզիցիայի տեսագրությանը մասնակցել են ամերիկացի ռեփերներ Ty Dolla Sign-ը (իսկական անունը՝ Թայրոն Ուիլյամ Գրիֆին Կրտսեր) եւ 2 Chainz-ը (Թաուհիչ Էփս): Թրեքը կներառվի Ագիլերայի՝ Liberation անվանումը կրող ութերորդ ալբոմում: Սկավառակի ռելիզը պլանավորված է հունիսի 15-ին:
