«ԵԱՏՄ մաքսային հաշիվների բաշխման հետ կապված խնդիրներ կան Ղազախստանի հետ». ՎՊ նախագահ
ԵԱՏՄ շրջանակներում մաքսային հաշիվների բաշխման հետ կապված խնդիրներ կան Ղազախստանի հետ։ Ինչպես այսօր ԱԺ նիստում Վերահսկիչ պալատի հաշվետվության քննարկման ժամանակ հայտարարեց ՎՊ նախագահ Լևոն Յոլյանը, բաշխման ենթակա, կամ ոչ ենթակա մաքսային հաշիվները վերահսկում են ԵԱՏՄ դատարանը, համապատասխան հանձնաժողովները։
«2017 թ. համատեղ նյութերը դեռևս չեն վավերացվել բոլորի կողմից, որոշ խնդիրներ կան Ղազախստանի մարմինների հետ։ Բավականին մեծ գումար է, որի մի մասն էլ պետք է գա մեր բյուջե։ Առարկություններ կան, հարցը ԵԱՏՄ դատարանում է, քննարկվում է»,- ասաց Լ.Յոլյանը։
