Ջիգարխանյանն արդեն վերադարձել է իր թատրոնի փորձերին
ԽՍՀՄ ժողովրդական արտիստ Արմեն Ջիգարխանյանն արդեն վերադարձել է իր թատրոնի փորձերին: Այդ մասին ՏԱՍՍ-ին հայտնել է Արմեն Ջիգարխանյանի ղեկավարությամբ գործող Մոսկվայի դրամատիկական թատրոնի թատերախմբի ղեկավար, հասարակայնության եւ ԶԼՄ-ների հետ կապերի գծով թատրոնի ներկայացուցիչ Վյաչեսլավ Դյաչենկոն:
«Նա արդեն եղել է թատրոնում, երկու օր առաջ էր եկել, Արմեն Բորիսովըչը եղել է թատրոնում: Այսօր ես սպասում եմ նրան, բայց չգիտեմ՝ որ ժամին նա այսօր կգա: Նա եղել է թատրոնում, եւ ամեն ինչ նորմալ է»,-ասել է Դյաչենկոն: Խոսելով արտիստի առողջության մասին՝ նա նշել է, որ անհանգստանալու պատճառներ չկան: Ապրիլի 26-ին Ջիգարխանյանին շտապ կարգով հոսպիտալացրել էին Մոսկվայի հիվանդանոցներից մեկում, որտեղ նա կոմայի մեջ է եղել: Դա դարձել էր այս տարի արտիստի երրորդ հոսպիտալացումը:
