«Նման արգելք գոյություն չունի, այնտեղ մարդիկ զբոսնում են». Կամո Արեյանը՝ «Թոխմախի գյոլի» մասին
«Նման արգելք գոյություն չունի, այնտեղ մարդիկ զբոսնում են, դա հանրային օգտագործման տարածք է ծառայում նաև: Այդպիսի սահմանափակումներ չկան ո՛չ պայմանագրով, ո՛չ վարձակալողի կողմից»,- այսօր ԱԺ-ում լրագրողների հետ զրույցում հայտարարեց Երևանի փոխքաղաքապետ Կամո Արեյանը` մեկնաբանելով լուրերը, որ ՀՀԿ-ական նախկին պատգամավոր Մհեր Սեդրակյանն իրեն պատկանող Երևանի Էրեբունի վարչական շրջանում գտնվող Վարդավառի այգում, որն առավել հայտնի է «Թոխմախի գյոլ» անվանումով, արգելել է անգամ հեծանիվ վարելը:
Թե ինչո՞ւ է 1313 քմ մակերեսով շինությունների ու շուրջ 17 հա տարածք զբաղեցնող այգու համար Սեդրակյանի հետ փոխկապակցված «Բիդեք» ՍՊԸ-ն տարեկան վճարում ընդամենը 1500 դոլար, Կ.Արեյանը պատասխանեց. «Չեմ կարող ասել, փաստաթղթի ակունքների մեջ չեմ կարող խորանալ»:
